வாண்டா: ஆர்க்டிக் ஓபன் பாட்மின்டன் காலிறுதியில் இந்தியாவின் சிந்து தோல்வியடைந்தார்.

பின்லாந்தில், ஆர்க்டிக் ஓபன் 'சூப்பர் 500' பாட்மின்டன் தொடர் நடக்கிறது. பெண்கள் ஒற்றையர் பிரிவு காலிறுதியில் இந்தியாவின் சிந்து, தாய்லாந்தின் ரட்சனோக் இன்டானன் மோதினர். முதல் செட்டை 11-21 என இழந்த சிந்து, இரண்டாவது செட்டை 21-19 எனக் கைப்பற்றி பதிலடி கொடுத்தார். வெற்றியாளரை நிர்ணயிக்கும் மூன்றாவது செட்டில் ஏமாற்றிய சிந்து 18-21 என இழந்தார்.

ஒரு மணி நேரம், ஒரு நிமிடம் நீடித்த போட்டியில் ஏமாற்றிய சிந்து 11-21, 21-19, 18-21 என போராடி தோல்வியடைந்தார்.