ஊட்டி: நீலகிரி மாவட்டம் இத்தலார் ஊராட்சி செயலாளர் கார்த்திக், 28. ஊராட்சிக்கு உட்பட்ட ஒசட்டி பகுதியில் நீர் தேக்கத் தொட்டி 7.50 லட்சம் ரூபாய் மதிப்பீட்டில் கட்டப்பட்டது. கட்டுமானப் பணிகள் முடிவடைந்த நிலையில், பணிக்கான பில் தொகையை ஒப்பந்ததாரர் சரவணன் கார்த்திக்கிடம் விடுவிக்க கோரியுள்ளார்.

பில் தொகையை விடுவித்த கார்த்திக், ரூ.20,000 லஞ்சம் கேட்டுள்ளார் லஞ்சம் கொடுக்க விரும்பாத சரவணன் ஊட்டி ஊழல் தடுப்பு மற்றும் லஞ்ச ஒழிப்பு போலீசில் புகார் கொடுத்தார் .

லஞ்ச ஒழிப்புத்துறை டி.எஸ்.பி., ஜாய் தயாள், ஆய்வாளர் சண்முகவடிவு தலைமையில் போலீசார் ரசாயன தடவிய பணத்தை கொடுத்து அனுப்பினர். இன்று மாலை அலுவலகத்திற்கு சென்று சரவணன், ஊராட்சி செயலாளர் கார்த்திக்கிடம் பணம் கொடுத்தபோது மறைந்திருந்த லஞ்ச ஒழிப்பு போலீசார் கார்த்திகை கையும் களவுமாக பிடித்து கைது செய்து கோர்ட்டில் ஆஜர் படுத்தி சிறையில் அடைத்தனர்.