செஞ்சி: செஞ்சியில் இன்று விழுப்புரம் வடக்கு மாவட்ட தி.மு.க., அவசர செயற்குழு ஆலோசனைக் கூட்டம் நடக்கிறது.

விழுப்புரம் வடக்கு மாவட்ட தி.மு.க., செயலாளர் மஸ்தான் அறிக்கை:

விழுப்புரம் வடக்கு மாவட்டத்தில் உள்ள செஞ்சி, மயிலம், திண்டிவனம் சட்டசபை தொகுதிகளுக்கான தி.மு.க., அவசர செயற்குழு ஆலோசனைக் கூட்டம், மாவட்ட அவைத்தலைவர் சேகர் தலைமையில் இன்று 13ம் தேதி காலை 11:00 மணிக்கு செஞ்சி, தமிழ் திருமகள் திருமண மண்டபத்தில் நடக்கிறது. முன்னாள் மத்திய அமைச்சர் செஞ்சி ராமச்சந்திரன் முன்னிலை வகிக்கிறார்.

கூட்டத்தில் தலைமைக் கழக பிரதிநிதிகள் புதுச்சேரி மாநில தி.மு.க., அமைப்பாளர் சிவா, மாநில மாணவரணி செயலாளர் வீரமணி பங்கேற்கின்றனர்.

கூட்டத்தில் தி.மு.க., தலைவர் ஸ்டாலின் தலைமையில் நடந்த தலைமை செயற்குழு கூட்டத்தில் அறிவிக்கப்பட்ட நிர்வாக மறுசீரமைப்பு தீர்மானத்தை செயல்படுத்துவது உட்பட பல்வேறு நிலை குறித்து ஆலோசனை நடத்தப்பட உள்ளது.

மாநில, மாவட்ட நிர்வாகிகள் , தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூராட்சி செயலாளர்கள் உட்பட அனைத்து நிர்வாகிகளும் பங்கேற்க வேண்டும். இவ்வாறு செய்திக்குறிப்பில் கூறப்பட்டுள்ளது.