போடி:

தேனி மாவட்டம், போடி அரசு மருத்துவமனையில் கலெக்டர் சிவகிருஷ்ணமூர்த்தி ஆய்வு செய்த போது பணியில் இருந்த டாக்டர் பாலமுருகன் மீது மதுநெடி வீசியதால் அவர் சஸ்பெண்ட் செய்யப்பட்டார்.

போடி அரசு மருத்துவமனையில் கலெக்டர் சிவகிருஷ்ணமூர்த்தி நேற்று மாலை 5:40 மணிக்கு ஆய்வு செய்தார். மருத்துவமனையில் உள் நோயாளிகள் விபரம், படுக்கைகள், வார்டுகள் விபரம் குறித்து பணியில் இருந்த டாக்டர் பாலமுருகனிடம் கேட்டார். டாக்டர் பாலமுருகன் மீது மதுநெடி வீசியது. இதனால் முகம் சுழித்த கலெக்டர், டாக்டர் பாலமுருகனை சஸ்பெண்ட் செய்ய மருத்துவ இணை இயக்குனருக்கு உத்தரவிட்டார். இதனை தொடர்ந்து பாலமுருகனை தேனி மாவட்ட மருத்துவ நலப்பணிகள் இணை இயக்குனர் அன்புச்செழியன் சஸ்பெண்ட் செய்தார்.