ஓசூர்:ஓசூர், எம்.ஜி., ரோடு பகுதியை சேர்ந்தவர் வெங்கடேசன், 41, ஆட்டோ டிரைவர். இவர், கடந்த 11ல், பாகலுார் சாலையில் ஆட்டோ ஓட்டி சென்றார்.

மாலை, 5:30 மணியளவில் அவருக்கு திடீரென நெஞ்சுவலி ஏற்பட்டது. சாலையோரம் ஆட்டோவை நிறுத்தியவர், ஓட்டும் இருக்கையிலேயே சரிந்தார். அருகில் இருந்தவர்கள் மீட்டு மருத்துவமனை கொண்டு சென்ற போது, அவர் மாரடைப்பால் இறந்தது தெரிந்தது. ஓசூர் ஹட்கோ போலீசார் விசாரிக்கின்றனர்.