திருச்செங்கோடு:எலச்சிபாளையம், மணலி அருகே உள்ள அத்திக்காடு பகுதியை சேர்ந்தவர் சந்தோஷ், 17; ஆட்டோ டிரைவர்.

இவர், நேற்று முன்தினம், அப்பகுதியில் உள்ள சாக்கடையில் பிணமாக கிடப்பதாக எலச்சிபாளையம் போலீசாருக்கு தகவல் கிடைத்தது. சந்தோஷ் உடலை மீட்ட போலீசார், திருச்செங்கோடு அரசு மருத்துவமனைக்கு கொண்டு சென்று பிரேத பரிசோதனை செய்தனர். இந்நிலையில், வாலிபரின் சாவில் மர்மம் இருப்பதாக கூறி, அவரது உறவினர்கள் அரசு மருத்துவமனை முன் உள்ள சாலையில் அமர்ந்து மறியலில் ஈடுபட்டனர். திருச்செங்கோடு தாசில்தார் ராஜா மற்றும் போலீசார் பேச்சுவார்த்தை நடத்தினர். அப்போது, உரிய நடவடிக்கை எடுப்பதாக உறுதியளித்ததை அடுத்து, சாலை மறியலை கைவிட்டு கலைந்து சென்றனர். இதனால், பரமத்தி வேலுார் சாலையில், ஒரு மணி நேரம் போக்குவரத்து பாதிக்கப்பட்டது.