விருத்தாசலம்: விருத்தாசலம் அரசு ஆண்கள் மேல்நிலை பள்ளியில், கோ-கோ மாநில அணிக்கு மாணவர்கள் தேர்வு செய்யப்பட்டனர்.

தமிழகம் முழவதும் பள்ளி கல்வி துறை சார்பில் 2026 – 27 ம் ஆண்டு கல்வியாண்டிற்கான 17 வயதுக்கு உட்பட்ட மாணவர்களுக்கான தேசிய அளவிலான கோ கோ போட்டிற்கு, 8 மண்டலமாக பிரித்து மாணவர்கள் தேர்வு செய்யப்பட்டது. ஒவ்வொரு மண்டலத்திலும் 9 மாணவர்கள் தேர்வு செய்யப்பட்டனர். அதில், 12 மாணவர்களை மாநில அணிக்கு தேர்வு செய்வதற்காக, விருத்தாசலம் அரசு ஆண்கள் மேல்நிலை பள்ளியில் கோ கோ போட்டி நடந்தது.

இந்த நிகழ்ச்சிக்கு, தலைமை ஆசிரியர் வினோத்குமார் தலைமை தாங்கினார். மாவட்ட உடற்கல்வி ஆய்வாளர் ராஜமாணிக்கம் முன்னிலையில், 12 மாணவர்கள் மாநில அணிக்கு தேர்வு செய்யப்பட்டனர். உடற்கல்வி ஆசிரியர்கள் ராஜராஜசோழன், பிரகாசம், மனோகர் ஆகியோர் ஏற்பாடுகளை செய்திருந்தனர்.