கோவை: கோவை, கிணத்துக்கடவு அடுத்த பட்டணம் கிராமத்தில் மும்முனை மின்சாரம் பெற விண்ணப்பித்த விவசாயியிடம், 7,000 ரூபாய் லஞ்சம் பெற்ற கமர்சியல் இன்ஸ்பெக்டர் வேல்முருகன், கேங்மேன் நவீன் குமார் கைது செய்யப்பட்டனர்.

கோவை, கிணத்துக்கடவு அடுத்த பட்டணம் கிராமத்தில் மும்முனை மின்சாரம் பெற விவசாயி ஒருவர் விண்ணபித்தார். புதிய மின் இணைப்பு வழங்க, தனக்கு, 7,000 ரூபாய் லஞ்சம் தர வேண்டும் என, கமர்சியல் இன்ஸ்பெக்டர் வேல்முருகன் விவசாயி இடம் கேட்டுள்ளார். லஞ்சம் தர விருப்பமில்லாத விவசாயி, ஊழல் தடுப்பு போலீசில் புகார் செய்தார்.

போலீசார் அறிவுரைப்படி, விவசாயி பணத்தை கமர்சியல் இன்ஸ்பெக்டர் வேல்முருகனிடம் வழங்கினார். மறைந்திருந்த போலீசார், ரூபாய் லஞ்சம் பெற்ற கமர்சியல் இன்ஸ்பெக்டர் வேல்முருகன் மற்றும் கேங்மேன் நவீன் குமார் ஆகிய இருவரை கைது செய்தனர்.