விக்கிரவாண்டி: முட்டத்துார் ஒய்காப் மேல்நிலைப்பள்ளி மாணவிகள் தேசிய அளவிலான பூப்பந்து போட்டியில் முதலிடம் பிடித்தனர்.

சட்டீஸ்கர் மாநிலம் பிலாய் நகரில், சமீபத்தில் தேசிய அளவிலான பூப்பந்து போட்டி நடந்தது. அதில் தமிழக அணியில், விழுப்புரம் மாவட்டம் சார்பில், முட்டத்துார் ஒய்காப் மேல்நிலைப்பள்ளி மாணவிகள் பங்கேற்றனர்.

இதில், மாணவி ராஜ ஸ்ரீ,16 ; ஐவர் மற்றும் இரட்டை போட்டிகளில் இரண்டு தங்க பதக்கம்பெற்றார். மாணவி சாருலதா,16; ஐவர் போட்டியில் தங்க பதக்கம் பெற்றார்.

மாணவி யோகேஸ்வரி,16; ஐவர் போட்டியில் தங்க பதக்கமும், கலப்பு இரட்டையர் போட்டியில் வெள்ளி பதக்கமும் பெற்றார்.

மேலும் தேசிய அளவில் பூப்பந்தாட்ட போட்டியில் சிறந்த ஆட்டக்காரர்களுக்கு வழங்கக்கூடிய ‘ஸ்டார் ஆப் இந்தியா’ என்ற விருதினை மாணவி யோகேஸ்வரி பெற்றார்.

தமிழக அணிக்கு தங்கப்பதக்கம் பெற்று தந்த மாணவிகளை பள்ளி தாளாளர் ஹென்றி ஷர்மா நித்தியானந்தம், தலைமை ஆசிரியர் டேவிட் சுரேஷ் பாபு, உதவி தலைமை ஆசிரியர்கள் ஜேக்கப் ஜீவானந்தம், ஜெயசெல்வி, உடற்கல்வி ஆசிரியர் செல்வகுமார், ஆசிரியர்கள் பிரேம்ராஜ்குமார், விமல் பாராட்டினர்