விழுப்புரம்: பதவி வாங்கும் பிரச்னையில் த.வெ.க., கிளை செயலாளர் உள்ளிட்ட, 5 பேர் மீது போலீசார் வழக்குப்பதிந்துள்ளனர்.

விழுப்புரம், வழுதரெட்டியை சேர்ந்தவர் கதிர்வேலன் மகன் செந்தமிழ்செல்வன், 25; த.வெ.க., ஒன்றிய நிர்வாகியான இவர், ஜானகிபுரத்தில் உள்ள பெட்ரோல் பங்கில் வேலை செய்து வருகிறார்.

இந்நிலையில் செந்தமிழ்செல்வன் தனது உறவினர் அசோகன் என்பவருக்கு கட்சியில் கிளை செயலாளர் பதவி வாங்க முயற்சி செய்துள்ளார். இதையறிந்த சித்தாத்துார் திருக்கையை சேர்ந்த த.வெ.க., கிளை செயலாளர் சஷ்டி மற்றும் செல்வம், அபிேஷக், நிசார், கவிஞன் ஆகியோர் சேர்ந்து செந்தமிழ்செல்வன், அவரது தாய் தனலட்சுமி, 40; ஆகியோரை திட்டி தாக்கினர்.

விழுப்புரம் தாலுகா போலீசார் சஷ்டி உள்ளிட்ட 5 பேர் மீது வழக்குப்பதிந்து விசாரிக்கின்றனர்.