கோவை: மாநகராட்சி கமிஷனர் ரவி தேஜாவை, திமுக முன்னாள் எம்எல்ஏ கார்த்திக் சந்தித்தார். அப்போது அவர், சிங்காநல்லூர் தொகுதிக்குட்பட்ட வார்டுகளில் பல பணிகளை மாநகராட்சி ரத்து செய்துள்ளது. சில பணிகள் நிறுத்தி வைக்கப்பட்டுள்ளன. கிழக்கு மண்டல கூட்டத்தில் பரிந்துரை செய்த எந்த பணியும் நிறைவேறவில்லை.

மாமன்ற அவசர கூட்டத்தில் கிழக்கு மண்டல வளர்ச்சி பணி சேர்க்கவில்லை. மாநகராட்சியில் 100க்கும் மேற்பட்ட ஒப்பந்ததாரர்கள் பதிவு செய்துள்ளனர். 50க்கும் மேற்பட்ட பணிகள் சில ஒப்பந்ததாரர்களுக்கு மட்டும் வழங்கப்பட்டுள்ளன.

பல பணிகளை ஆய்வு செய்யாமல், முன் அனுமதி கொடுத்து நிறைவேற்றியுள்ளனர். மக்கள் வரிப்பணத்தில் செய்யும் பணிகள் வெளிப்படைத்தன்மையுடன் இருக்க வேண்டும். சிங்காநல்லூர் பணிகளை புறக்கணிக்காமல் நடவடிக்கை எடுக்க வேண்டும் என்று கூறினார்.