நத்தம்: நத்தம் அருகே சிறுகுடியில் அரசின் மக்கள் தொடர்பு முகாம் நடந்தது. கலெக்டர் துர்கா தலைமை வகித்தார். ஆர்.டி.ஓ., பழனிவேல், சமூக பாதுகாப்பு திட்ட தனித்துணை ஆட்சியர் ஹென்றி பீட்டர், தாசில்தார் டேனியல் பிரேம்குமார் ஆகியோர் முன்னிலை வகித்தனர். மண்டல துணை தாசில்தார் காட்டுராஜா வரவேற்றார்.

முகாமில் 73 பயனாளிகளுக்கு நலத்திட்ட உதவிகள், கர்ப்பிணிகளுக்கு ஊட்டச்சத்து பெட்டகங்களை கலெக்டர் பேசினார். பொதுமக்களிடம் கோரிக்கை மனுக்களை பெற்று பல்வேறு துறைகளின் சார்பில் அமைக்கப்பட்டிருந்த கண்காட்சியை பார்வையிட்டார்.

ஒன்றிய ஆணையாளர்கள் ஜெயக்குமார், முருகேஸ்வரி, பேரூராட்சி செயல் அலுவலர் விஜயநாத், வி.ஏ.ஓ., மலையாண்டி உள்ளிட்ட அனைத்துத்துறை அரசு அலுவலர்கள், பொதுமக்கள் பங்கேற்றனர்.