புதுடில்லி: தலைமை தேர்தல் ஆணையருக்கு எதிராக, அக்.,10ம் தேதி முதல் கரப்பான் பூச்சி ஜனதா அமைப்பினர் டில்லியில் போராட்டத்தில் ஈடுபட முயற்சித்து வருகின்றனர். அவர்களை டில்லி போலீசார் வளைத்து வளைத்து கைது செய்தனர். இன்றும் கூட மாலை 5 மணிக்கு டில்லி கனாக்ட் பகுதியில் கரப்பான் அமைப்பினர் போராட்டத்தில் ஈடுபட உள்ளனர்.

கரப்பான் அமைப்பினர், மாணவர்கள் சங்கத்தினர், இண்டி கூட்டணியினர் அடுத்தடுத்து போராட்டங்களில் ஈடுபடுவதால் டில்லி நகரமே திணறி வருகிறது. இதனால், போலீசார் தடுப்புகளை அமைத்து தீவிர கண்காணிப்பில் ஈடுபட்டு வருகின்றனர். மேலும், பல இடங்களில் முன்னெச்சரிக்கை நடவடிக்கையாக இணையசேவை துண்டித்தும், மக்கள் நடமாடுவதற்கும் தடை விதிக்கப்பட்டுள்ளது. இது பொதுமக்களின் இயல்பு வாழ்க்கை பாதித்துள்ளது.

டில்லியில் கரப்பான் அமைப்பினர் நடத்தப்படும் போராட்டத்தினால் கடந்த 3 வாரங்களாக வியாபாரிகளின் வர்த்தகம் பாதிக்கப்படுவதாக மத்திய அரசு குற்றம்சாட்டியது. இது தொடர்பாக உச்சநீதிமன்றத்தில் மனுவும் தாக்கல் செய்யப்பட்டது.

இந்த மனு இன்று விசாரணைக்கு வந்தது. அப்போது, போராட்டத்தினால் வியாபாரிகளுக்கு சட்டவிரோதமான இழப்புகள் ஏற்பட்டிருப்பது கண்டறியப்பட்டால் இழப்பீடு வழங்க உத்தரவிடப்படும் என்று தலைமை நீதிபதி சூர்ய காந்த் மற்றும் நீதிபதி ஜோய்மால்யா பாக்சி அடங்கிய உச்ச நீதிமன்ற அமர்வு எச்சரிக்கை விடுத்துள்ளது. தெரிவித்துள்ளது. மேலும், இந்த விவகாரம் அக்., 26ம் தேதி விசாரணைக்கு பட்டியலிடப்பட்டுள்ளது.

வியாபாரிகளுக்கு வர்த்தக இழப்புகளுக்குப் போராட்டக்காரர்கள் காரணமல்ல என்று கரப்பான் அமைப்பின் தலைவர் அபிஜித் தீப்கே தெரிவித்துள்ளார். நகரத்தை முடக்கி, இணைய சேவைகளை நிறுத்திய அரசின் நடவடிக்கைகளே காரணம் என்றும் குற்றம்சாட்டியுள்ளார்.