திருப்பூர்: ஊரக பகுதிகளில், ஒன்பதாம் வகுப்பு படிக்கும் மாணவ, மாணவியருக்கு அரசு தேர்வுகள் இயக்ககத்தால் ஊரக திறனாய்வு தேர்வு ஒவ்வொரு ஆண்டும் நடத்தப்படுகிறது. நடப்பாண்டுக்கான தேர்வு நவ. 21ல் நடக்கிறது.ஒவ்வொரு கல்வி மாவட்டத்திலும் தலா, 50 மாணவ, மாணவியர் தேர்வு செய்யப்பட்டு, அவர்களுக்கு ஆண்டுக்கு ஆயிரம் ரூபாய் வீதம், நான்கு ஆண்டுக்கு உதவித்தொகை வழங்கப்படும்.

ஊரக பகுதிகளில் உள்ள ஒன்பதாம் வகுப்பு படிக்கும் மாணவ, மாணவியர் இத்தேர்வுக்கு விண்ணப்பிக்க, 14ம் தேதி வரை அவகாசம் வழங்கப்பட்டிருந்தது. தொடர்விடுமுறை காரணமாகவும், மாணவியர் விண்ணப்பிக்க ஏதுவாக அவகாசம், 21ம் தேதி வரை நீட்டித்து தேர்வுத்துறை உத்தரவிட்டுள்ளது.