சூலூர்: புரட்டாசி ஐந்தாவது சனிக்கிழமையை ஒட்டி, சூலூர் வட்டார பெருமாள் கோவில்களில் நடந்த சிறப்பு பூஜையில் ஏராளமான பக்தர்கள் பங்கேற்று வழிபட்டனர்.

புரட்டாசி மாத ஐந்தாவது சனிக் கிழமையை ஒட்டி, சூலூர் வேங்கடநாத பெருமாள் கோவில், கருமத்தம்பட்டி கரிய மாணிக்க பெருமாள் கோவில், கணியூர் கரிவரதராஜ பெருமாள் கோவில், கலங்கல், அப்பநாயக்கன் பட்டி, செலக்கரச்சல், கள்ளப்பாளையம் பூமி நீளா சமேத சீனிவாச பெருமாள் கோவில் மற்றும் காங்கயம்பாளையம், செங்கத்துறை வெங்கடேச பெருமாள் கோவில்களில் சிறப்பு திருமஞ்சனம் மற்றும் அலங்கார பூஜை நடந்தது. சிறப்பு அலங்காரத்தில் பெருமாள் பக்தர்களுக்கு அருள் பாலித்தார். சுற்று வட்டார கிராமங்களை சேர்ந்த பக்தர்கள் பங்கேற்று பஜனை பாடல்களை பாடி பெருமானை வழிபட்டனர்.