கரூர்:கரூர் மாவட்டம், தென்னிலை பால்வார்பட்டி பகுதியை சேர்ந்தவர் விஸ்வநாதன், 52; இவர், நேற்று முன்தினம், தென்னிலையில் உள்ள கார் சர்வீஸ் செய்யும் நிறுவனம் முன், நின்று கொண்டிருந்தார். அப்போது, திருப்பூர் ராயபுரம் பகுதியை சேர்ந்த ஹரிகிருஷ்ணன், 30, என்பவர், விஸ்வநாதன் சர்ட் பாக்கெட்டில் இருந்த, 1,000 ரூபாயை பறித்துக்கொண்டு தப்ப முயன்றார்.

அப்போது, அருகில் இருந்தவர்கள் ஹரிகிருஷ்ணனை பிடித்து போலீசில் ஒப்படைத்தனர். பின், விஸ்வநாதன் அளித்த புகார்படி, தென்னிலை போலீசார் ஹரி கிருஷ்ணனை கைது செய்தனர்.