நமது நிருபர்

மேற்காசிய நாடான ஐக்கிய அரபு எமிரேட்சின் துபாயில் இருந்து டில்லிக்கு இந்திய பயணி ஒருவர் விமானத்தில்

வந்தார். டில்லி சர்வதேச விமான நிலையத்தில் வந்திறங்கியபோது அவரது நடவடிக்கையில் சந்தேகம் அடைந்து சுங்கத்துறையினர் அவரது உடமைகளை சோதனையிட்டனர்.

அவர் கொண்டு வந்த லக்கேஜில் வைத்திருந்த, 'புளோர் ஸ்பிரிங்' எனப்படும், கதவு தானாக மூடுவதை கட்டுப்படுத்தும் கருவி இருந்தது.

அதில் மறைத்து கடத்தி வரப்பட்ட தங்க கம்பிகளை அதிகாரிகள் பறிமுதல் செய்தனர்.

3 கிலோ எடையுள்ள அந்த தங்க கம்பிகளின் மதிப்பு 4.03 கோடி ரூபாய். இது தொடர்பாக வழக்குபதிவு செய்த அதிகாரிகள் தொடர்ந்து அவரிடம் விசாரிக்கின்றனர்.