கோவை: நவராத்திரி உற்சவம் மற்றும் கொலு வைபவம் விஜயதசமியான நேற்றுடன் நிறைவடைந்தது.

ஆர்.எஸ்.புரம் மேற்கு திருவெங்கடசாமி சாலையிலுள்ள ஸ்ரீ காமாட்சி அம்பாள் கோயிலில் நவராத்திரி துவங்கியது, முதல் அன்றாடம் காலை 7 மணிக்கு அம்பாளுக்கு அபிஷே கமும், 9 மணிக்கு தேவி மஹாத்மிய பாராயணமும், யாகசாலை பிரவேசமும் நடந்தது.

10 மணிக்கு மூலஸ்தானத்திலுள்ள அம்பாளுக்கு நவாவர்ண பூஜைகளும் ஸ்ரீசண்டிபாராயணமும் நடந்தது.

அன்றாடம் மாலை 6 மணிக்கு அம்பாளுக்கு புஷ்ப அலங்காரமும், யாகசாலையில் நவாவர்ணமும், ஸ்ரீ லலிதா திரிசதி பாராயணமும், லட்சார்ச்சனையும் நடந்தது.

நேற்று காமாட்சி அம்பாள் வீணை ஏந்தி சரஸ்வதி அலங்காரத்தில் பக்தர்களுக்கு காட்சியளித்தார். எழுத்தறிவிக்கும் நிகழ்ச்சியும், பாட்டு மற்றும் இசை கற்பிக்கும் பணிகளும் துவங்கின.

ஏராளமானோர் ஆர்வமுடன் பங்கேற்றனர்.