குன்னுார்: குன்னுாரில் நள்ளிரவில் பலத்த இடியுடன் கனமழை பெய்ததில் கரன்சி சாலையில் மரம் விழுந்தது.

குன்னுார் மற்றும் அதன் சுற்றுவட்டார பகுதிகளில் நேற்று நள்ளிரவு பலத்த இடியுடன் கூடிய கனமழை பெய்தது. இதன் காரணமாக இன்று காலை, 6:00 மணியளவில் குன்னுார் ஆடர்லி சாலை கரன்சி அருகே, காட்டு மரம் சாலையின் குறுக்கே வேரோடு விழுந்தது. இதனால் அப்பகுதியில் போக்குவரத்து பாதிக்கப்பட்டது. தகவல் அறிந்த தீயணைப்புத் துறை வீரர்கள் பொதுமக்கள், இணைந்து மரத்தை வெட்டி அகற்றி சாலையை சீர் செய்தனர். சம்பவத்தால், ஒன்றரை மணி நேரம் போக்குவரத்து பாதித்தது. இதன் சுற்றுப்புற பகுதிகளில் மின் தடை ஏற்பட்டதை மின் ஊழியர்கள் சரி செய்தனர்.