கோவை: வீட்டு வரி நிர்ணயம் செய்வதற்கு, 40 ஆயிரம் ரூபாய் லஞ்சம் பெற்ற, கோவை மாநகராட்சி பில் கலெக்டர் கைது செய்யப்பட்டார்.

கோவை, இடையர்பாளையம், காந்தி நகரை சேர்ந்தவர் சந்தோஷ். கட்டட ஒப்பந்தாரர். இவர், கவுண்டம்பாளையம் அருகேயுள்ள வெள்ளகிணறு பகுதியை சேர்ந்த சீனிவாசன் என்வருக்கு புதிய வீடு கட்டி கொடுத்துள்ளார்.

இந்த வீட்டிற்கு வரி நிர்ணயம் செய்ய வடக்கு மண்டல அலுவலகத்தில் விண்ணப்பித்தார். இது தொடர்பாக கட்டட கான்ட்ராக்டர் சந்தோஷ், வடக்கு மண்டல அலுவலகம் சென்று வரி வசூலர் பிரதீப்,35, என்பவரை சந்தித்தார். அப்போது, வரி நிர்ணயம் செய்ய பிரதீப், 50 ஆயிரம் ரூபாய் லஞ்சம் கேட்டார். இவ்வளவு பணம் தர முடியாது என்று சந்தோஷ் கூறிய போது, 10 ஆயிரம் ரூபாய் குறைத்து கொடுக்குமாறு பிரதீப் கூறியிருக்கிறார்.

லஞ்சம் கொடுக்க விரும்பாத சந்தோஷ், கோவை லஞ்ச ஒழிப்பு போலீசில் புகார் அளித்தார். போலீசார் அறிவுறுத்தல் படி, வடக்கு மண்டல அலுவலகம் சென்று, பிரதீப்பிடம் 40 ஆயிரம் ரூபாய் கொடுத்தார். பிரதீப் பெற்றுக் கொண்டபோது மறைந்திருந்த லஞ்ச ஒழிப்பு போலீசார் கைது செய்தனர்.