கடலாடி: தற்போது அரிசி விலை கிலோவிற்கு ரூ.80 முதல் 90 வரை விலையேற்றம் செய்யப்படுவதால் விவசாயிகள் சொந்த உபயோகத்திற்கு அரிசியாக பயன்படுத்தும் நிலை ஏற்பட்டுள்ளது. விவசாயிகள் கூறியதாவது:

ராமநாதபுரம் மாவட்டத்தின் பல பகுதிகளில் விவசாயிகள் தங்களுடைய விளை நிலத்தில் அறுவடை முடிந்த பிறகு நெல்மணிகளை மொத்தமாக வியாபாரிகளுக்கு விற்பனை செய்கின்றனர். அவற்றை கொண்டு செல்லும் வியாபாரிகள் மதுரை, காரைக்குடி, பரமக்குடி, சேலம் உள்ளிட்ட பகுதிகளுக்கு அரிசி ஆலைகளுக்கு மொத்தமாக வாங்கி செல்கின்றனர்.

இந்நிலையில் நெல் விலை உயரவில்லை. சாகுபடி செய்தாலும் அதே விலையில் தான் விலை நிலவரம் உள்ளது. ஆனால் அரிசி விலை மட்டும் உயர்ந்துள்ளது. அரிசி மூடைகளை அதிகம் பதுக்குவோர் மீது உரிய நடவடிக்கை எடுக்க வேண்டும். செயற்கையான முறையில் தட்டுப்பாட்டை நிலவ செய்கின்றனர்.

இந்நிலையில் பெருவாரியான விவசாயிகள் தங்களது சொந்த விளைநிலத்தில் கிடைத்த நெல்மணிகளை கொண்டு அவற்றை அரைத்து அரிசியாக்கி சமையலுக்கு பயன்படுத்தும் போக்கு நிலவுகிறது என்றனர்.