முதுகுளத்துார்: கமுதி அருகே பசும்பொன் வந்த அமைச்சர் நிர்மல்குமாரிடம் ஆப்பநாடு மறவர் சங்க தலைவர் சண்முகபாண்டியன் கோரிக்கை மனு அளித்தார்.அதில் கூறியிருப்பதாவது:

பசும்பொன்னில் அரசு சார்பில் ரூ.3 கோடியில் அமைக்கப்படவுள்ள மண்டபத்திற்கு புதிய திட்ட மதிப்பீடு, கூடுதல் நிதி ஒதுக்கீடு செய்து முக்கிய பிரமுகர்கள் ஓய்வு அறைகள், நுாலகம் உள்ளிட்ட வசதிகளுடன் கூடிய மண்டபமாக மாற்றி அமைக்க வேண்டும். தேவர் நினைவிடம், நுழைவு வாயில் பகுதியில் வர்ணம் பூச வேண்டும்.

சேதமடைந்துள்ள முளைப்பாரி, பால்குடம், முடிக்கணிக்கை மண்டபங்கள், கழிப்பறைகள் உள்ளிட்ட உள்கட்டமைப்பு வசதிகளை புதிதாக அமைக்க வேண்டும் என்றனர். தியான மண்டபம் பகுதியில் இளைஞர்கள், பெண்கள் அரசு போட்டி தேர்வுக்கு தயாராகி படிக்கும் வகையில் நவீன பொது நுாலகம், உள்கட்டமைப்பு வசதிகள் ஏற்படுத்த நடவடிக்கை எடுக்கப்படும் என்று அமைச்சர் நிர்மல்குமார் கூறினார். ஆப்பநாடு மறவர் சங்க நிர்வாகிகள் பலர் உடன் இருந்தனர்.