பரங்கிப்பேட்டை: மீனவர்கள், மீன் பிடிக்க கடலுக்கு செல்லாததால் படகுகள் பாதுகாப்பாக நிறுத்தி வைக்கப்பட்டுள்ளன.

பரங்கிப்பேட்டை கடற்கரையோர மீனவ கிராமங்களான புதுப்பேட்டை, புதுக்குப்பம், சாமியார்பேட்டை, பரங்கிப்பேட்டை , கிள்ளை, முழுக்குத்துறை, முடசல் ஓடை உட்பட, 30க்கும் மேற்பட்ட கிராமங்களை சேர்ந்த மீனவர்கள் கடலில் மீன் பிடிக்க படகில் வெள்ளாற்று முகத்துவாரம் வழியாக க சென்று மீன் பிடித்து அன்னங்கோவில் மற்றும் முடசல் ஓடை மீன் பிடி இறங்கு தளங்களில் விற்பனை செய்து வருகின்றனர்.

இந்நிலையில், வங்கக்கடலில் குறைந்த காற்றழுத்த பகுதி தீவிரமடைந்துள்ளதால், மீன் பிடிக்க மீனவர்கள் யாரும் கடலுக்கு செல்லக்கூடாது என கடலுார் மீன் வளத்துறை அதிகாரிகள் அறிவித்துள்ளனர். அதையடுத்து, நேற்று பரங்கிப்பேட்டை மற்றும் கிள்ளை கடற்கரையோர, 30 க்கும் மேற்பட்ட கிராமங்களை சேர்ந்த மீனவர்கள் மீன் பிடிக்க கடலுக்கு செல்லாமல் தங்கள் படகுகளை இறங்கு தளத்தில் பாதுகாப்பாக நிறுத்தி வைத்துள்ளனர். மீனவர்கள் மீன்பிடிக்க செல்லாததால், கேரளா, ஆந்திரா உள்ளிட்ட வெளி மாநிலங்களுக்கு மீன் ஏற்றுமதி செய்யப்படவில்லை.