திருப்புத்துார்: அமெச்சூர் கபடி கழகம் சார்பில் சிவகங்கையில் அக்.,31,நவ.,1 ம் தேதிகளில் நடைபெற இருந்த மாவட்ட கபடி போட்டி மழை காரணமாக நவ.,14,15ம் தேதிக்கு மாற்றப்பட்டுள்ளதாக அறிவிக்கப்பட்டுள்ளது.

அமெச்சூர் கபடி பெடரேசன் ஆப் இந்தியா மாவட்ட பொதுக்குழு உறுப்பினர்கள்,புதிய நிர்வாகிகள் தேர்வை முன்னிட்டு மாவட்ட சாம்பியன்ஷிப் போட்டி அக்.,31 மற்றும் நவ.,1 தேதிகளில் சிவகங்கையில் தமிழ்நாடு விளையாட்டு மேம்பாட்டு ஆணையத்தின் விளையாட்டு மைதானத்தில் நடைபெறுவதாக அறிவிக்கப்பட்டிருந்தது.

தொடர் மழை காரணமாக போட்டி நவ.,14,15ம் தேதிக்கு போட்டி ஒத்தி வைக்கப்பட்டுள்ளதாக சிவகங்கை மாவட்ட அமெச்சூர் கபடி கழகத்தினர் தெரிவித்துள்ளனர்.