வானுார்: மனநலம் பாதிக்கப்பட்ட பெண்ணைத் தாக்கிய கோவில் பூசாரியை போலீசார் கைது செய்தனர்.

கிளியனுார் அடுத்த உப்புவேலுார் மாரியம்மன் கோவில் தெருவைச் சேர்ந்தவர் சாந்தி, 45; மன நலம் பாதிக்கப்பட்ட அவர், அதே பகுதியில் உள்ள அங்காளம்மன் கோவிலில் துப்புரவு பணியை செய்து வருகிறார்.

நேற்று (அக்.,25) துப்புரவு பணியின்போது, சாந்திக்கும், கோவிலில் இருந்த புதுக்குப்பத்தை சேர்ந்த பூசாரியான பூமிலிங்கத்திற்கும் தகராறு ஏற்பட்டது. இதில், ஆத்திரமடைந்த பூமிலிங்கம், சாந்தியை தாக்கினார்.

இது குறித்த புகாரின் பேரில், கிளியனுார் போலீசார் வழக்குப் பதிந்து பூமிலிங்கத்தை கைது செய்தனர்.