விழுப்புரம்: வளவனுார் அருகே சாலை மறியலில் ஈடுபட்ட 8 பேர் மீது போலீசார் வழக்குப் பதிந்தனர்.

விழுப்புரம் அடுத்த ராம்பாக்கத்தைச் சேர்ந்தவர் அரவிந்தன், 30; இவர் தலைமையில் இன்று (அக்.,26) காலை 8:50 மணிக்கு ராம்பாக்கம் பஸ் நிறுத்தம் பகுதியில் சாலை மறியலில் ஈடுபட்டனர்.

அப்போது, ராம்பாக்கம் ஏரியில் கருவேல மரங்கள் ஏலம் விட்ட பணத்தில் முறைகேடு நடந்ததாக அதே பகுதியை சேர்ந்த ஒருவரை கண்டித்து கோஷம் எழுப்பினர்.

தகவலறிந்த வளவனுார் போலீசார் சம்பவ இடத்திற்குச் சென்று மறியலில் ஈடுபட்டவர்களிடம் பேச்சுவார்த்தை நடத்தினர். இதையடுத்து, காலை 9:40 மணிக்கு அரவிந்தன் உள்ளிட்டோர் மறியலை கைவிட்டு கலைந்து சென்றனர்.

இது குறித்து அரவிந்தன் உட்பட 8 பேர் மீது வளவனுார் போலீசார் வழக்குப் பதிந்தனர்.