கோவை: வனத்துறை, தன்னார்வலர்கள் சார்பில் ‘களிறு 4.0’ திட்ட பயிலரங்கம் பி.எஸ்.ஜி.ஆர். கிருஷ்ணம்மாள் கல்லூரியில் நடந்தது. மனித –- வனவிலங்கு மோதலை கையாள்வது குறித்து பயிற்சி வழங்கப்பட்டது.

கலெக்டர் பவன்குமார்: நாட்டில் வனவிலங்கு நடமாட்டம் அதிகமுள்ள பகுதி கோவை. நவீன தொழில்நுட்பம் மூலம் மனித –- வனவிலங்கு மோதலை தடுக்க நடவடிக்கை எடுக்கிறோம். இதில் பழங்குடி மக்களையும் இணைத்தால் விரைந்து தீர்வு காண முடியும்.

ஐ.ஜி.ரம்யா பாரதி: நள்ளிரவு, அதிகாலை நேரங்களில் மனித –- வனவிலங்கு மோதல் ஏற்படும். சம்பந்தப்பட்ட துறை பணியாளர்கள் உடனடியாக செயல்பட வேண்டும். எந்த பிரச்னைக்கு யாரை தொடர்பு கொள்வது என தெரிந்திருக்க வேண்டும். உடனடி நடவடிக்கையும், தொழில்நுட்ப உதவியும் மட்டுமே தீர்வை தரும்.

மாவட்ட வன அலுவலர் வெங்கடேஷ் பிரபு உட்பட பலர் பங்கேற்றனர்.