மதுரை: அ.தி.மு.க., பொதுச்செயலர் பழனிசாமி, மதுரை யில், நேற்றளித்த பேட்டி: மின் பற்றாக்குறை இருப்பது போல், செயற்கையாக ஒரு பிம்பத்தை உருவாக்கி, தற்போது, யூனிட் ஒன்றுக்கு, 37.50 ரூபாய் கொடுத்து மின் கொள்முதல் செய்கின்றனர். இதனால், மக்களின் வரிப்பணம் வீணடிக்கப்படுகிறது.

த.வெ.க., ஆட்சியில் குற்றவாளிகளைக் கண்டுபிடிக்க முடியவில்லை. சிறையில் அடைக்கப்பட்ட குற்றவாளிகளை பாதுகாப்பதிலும் அரசு தோற்று விட்டது. செஞ்சியில் ஏழு வயது சிறுமி காணாமல் போய், ஒரு வாரமாகியும் தீர்வு கிடைக்கவில்லை.

பெண்களுக்கும், மக்களுக்கும் பாதுகாப்பு இல்லை. அரசு ஊழியர்கள் விடுமுறையில் இருப்பதைப் போல முதல்வரும் செயல்படுகிறார். இந்தியாவிலேயே மோசமான ஆட்சி என்றால் அது விஜய் தலைமையிலான ஆட்சி தான்.

இந்தியா, ஜனநாயக நாடு. யார் வேண்டுமானாலும் அரசியல் கட்சி தொடங்கலாம். விஜய்க்கு எப்படி ஒரு 'ஜாக்பாட்' அடித்ததோ; அதேபோல், நடிகர் தனுஷுக்கும் ஒரு 'ஜாக்பாட்' அடிக்கும் என அவரது ரசிகர்கள் நம்புகின்றனர். இவ்வாறு அவர் கூறினார்.

@block_B@

மதுரையில் நேற்று மாலை, மீனாட்சி அம்மன் கோவிலுக்கு, பழனிசாமி சென்றார். அப்போது, கோவிலில், சில நிமிடங்கள் மின் தடை ஏற்பட்டது.

இது பற்றி, பழனிசாமி கூறுகையில், “கடுமையான மின்வெட்டிற்கு, இதுவே சான்று. கோவிலில், மின்வெட்டு ஏற்பட்டதை, மீனாட்சி அம்மன் பார்த்தால் சரி. பக்தர்கள், நிம்மதியாக இறைவனை பிரார்த்தனை கூட செய்ய முடியவில்லை,” என்றார். ஆனால், 'மின்சார லைனை, மாற்றி விடும்போது, இதுபோன்று மின்தடை ஏற்படுவது வழக்கம்' என, கோவில் நிர்வாகத்தினர் விளக்கம் அளித்தனர்.block_B