நமது நிருபர்

உத்தராகண்டின் சமோலி மாவட்டத்தில் உள்ள ஜோஷிமத் நகரில் ஹெலிகாப்டர் ஒன்று விபத்துக்குள்ளானது. ​​விமானி உட்பட ஆறு பேர் பயணம் செய்துள்ளனர்.

தொடர் மழை, அடர்த்தியான மேகமூட்டம் ஆகியவற்றால் மீட்பு பணியில் சிக்கல் நீடித்தது.

இரண்டு ஹெலிகாப்டர்கள் மீட்பு பணியில் ஈடுபடுத்தப்பட்டன. விபத்தில் ஐந்து பயணிகளும், விமானியும் உயிரிழந்ததாக அதிகாரிகள் உறுதிப்படுத்தினர். 6 பேரின் சடலமும் எரிந்த நிலையில் மீட்கப்பட்டுள்ளன.

ஐந்து பயணிகளும் பெங்களூருவைச் சேர்ந்த அருண் சலுங்கே, நாகராஜா, பிரதாபா, சுதீர் மற்றும் சங்கர்கவுடா என அடையாளம் காணப்பட்டுள்ளனர். விமானி கேப்டன் ஹிமான்ஷு சபர்வாள் என்பது தெரியவந்தது. விபத்துக்கான காரணம் குறித்து விசாரணை நடக்கிறது.