தேனி: மாவட்டத்தில் 150 ஏக்கரில் காட்டு பன்றி சேத தடுப்பு திட்டம் செயல்படுத்தப்பட உள்ளதாக வேளாண் துறையினர் தெரிவினர்.

அவர்கள் கூறியதாவது: தமிழ்நாடு வேளாண் பல்கலை சார்பில் காட்டு பன்றிகளை விரட்ட கூடிய ஒரு வகை திரவம் தயாரித்துள்ளனர். அந்த திரவத்தில் இருந்து வெளிவருக்கூடிய ஒரு வகை வாசம் பன்றிகளை விரட்டுகிறது. இந்த திரவத்தை வரப்புகளில் குறிப்பிட்ட இடைவெளியில் கட்ட வேண்டும். தேனி சின்னமனுார் வட்டாரங்களுக்கு தலா 15 ஏக்கர், பெரியகுளம், ஆண்டிபட்டி, கடமலைகுண்டு மயிலாடும்பாறை, கம்பம், உத்தமபாளையம், போடி ஆகிய வட்டாரங்களில் தலா 20 ஏக்கரில் பயன்படுத்த இலக்கு வைத்துள்ளனர். விவசாயிகள் ரூ. 50 செலுத்தி உழவன் செயலி மூலம் பதிவு செய்ய வேண்டும். திரவம், அதனை வரப்புகளில் கட்டுவதற்கு பயன்படும் பாட்டில்கள், கயிறுகள் வழங்கப்படும். தேவை உள்ள விவசாயிகள் பயன்படுத்திக்கொள்ளலாம். மேலும் விவரங்களுக்கு அருகில் உள்ள வேளாண் உதவி இயக்குநர் அலுவலகங்களை தொடர்பு கொள்ளலாம்.