மூங்கில்துறைப்பட்டு: மூங்கில்துறைப்பட்டு அருகே மது பாட்டில் கடத்திய நபரை போலீசார் கைது செய்தனர்.

கள்ளக்குறிச்சி மாவட்டம், மூங்கில்துறைப்பட்டு அடுத்த வட பொன்பரப்பி இன்ஸ்பெக்டர் குருமூர்த்தி மற்றும் போலீசார் உலகளப்பாடி பகுதியில் ரோந்து பணியில் ஈடுபட்டனர். அப்போது அந்த வழியாக பைக்கில் வந்த நபரை நிறுத்தி சோதனை செய்தனர். அதில் அந்த நபர் 146 டாஸ்மாக் மது பாட்டில்கள் கடத்தி வந்தது தெரியவந்தது.

விசாரணையில், திருவண்ணாமலை மாவட்டம், இளையாங்கன்னியைச் சேர்ந்த இருதயராஜ், 42; என தெரியவந்தது. உடன் அவர் மீதுவழக்குப் பதிந்து கைது செய்து, 146 மது பாட்டில்கள் மற்றும் பைக்கையும் பறிமுதல் செய்தனர்.