கோவை: பார்வை மாற்றுத்திறனாளிகளுக்கான மாத உதவித்தொகையை ரூ.5,000 ஆக உயர்த்தி வழங்க கோரிக்கை எழுந்துள்ளது.

தேசிய பார்வையற்றோர் இணையம் தமிழ்நாடு கிளை நிர்வாகிகள், முதல்வருக்கு அனுப்பியுள்ள கோரிக்கை மனுவில், ‘தமிழகத்தில் 5,000க்கும் மேற்பட்ட பார்வை மாற்றுத்திறனாளிகள் உறுப்பினர்களாக உள்ளனர். பல ஆண்டுகளாகவே ரூ.1,500 மட்டுமே மாத உதவித்தொகை வழங்கப்பட்டு வருகிறது. உதவித்தொகையை உயர்த்தி வழங்குமாறு தொடர்ந்து போராடி வருகிறோம். ரூ.5,000 ஆக உயர்த்தி வழங்கினால் மாற்றுத்திறனாளிகள் வாழ்வு செழுமையடையும்’ என, தெரிவித்துள்ளனர்.