வடலூர்: முன்விரோதத்தில் தம்பதியை வழிமறித்து தாக்கிய, செயினை பறித்த விவசாயியை போலீசார் கைது செய்தனர். மேலும், இருவரை தேடிவருகின்றனர்.

வடலூர் அடுத்த சேராக்குப்பத்தை சேர்ந்தவர் சவுந்தர்ராஜன்,61; இவருக்கும் அதே பகுதியை சேர்ந்த கஜேந்திரன்,49; என்பவருக்கும் நிலப் பிரச்னையில் முன்விரோதம் உள்ளது.

இந்நிலையில், நேற்று (நவ.,3) சவுந்தர்ராஜன், தனது மனைவியுடன் பைக்கில் வடலூர் சென்றார். அப்போது, சேராக்குப்பம் ரேஷன் கடை அருகே கஜேந்திரன் மற்றும், அவரது மகன்கள் தம்பதியை வழிமறித்து, இரும்பு பைப்பால் தாக்கி, 2 சவரன் செயினை பறித்து, கொலை மிரட்டல் விடுத்தனர்.

இதில் காயமடைந்த சவுந்தர்ராஜன் குறிஞ்சிப்பாடி அரசு மருத்துவமனையில் சிகிச்சைக்கு சேர்க்கப்பட்டார்.

இதுகுறித்த புகாரின் பேரில் வடலுார் போலீசார் வழக்கு பதிந்து, கஜேந்திரனை கைது செய்தனர். மேலும், தலைமறைவாக உள்ள அவரது மகன்கள் அருண், ஆகாஷ் ஆகியோரை தேடிவருகின்றனர்.