புதுடில்லி:டில்லியில் 'மெகனைஸ்டு போர்சஸ் சிம்போசியம் 2026' என்ற மாநாடு நடைபெற்றது. இந்த மாநாட்டில் ஏஐ ட்ரோன் போர்முறை மனிதவளம்-ட்ரோன்கள் இணைந்த கூட்டுச் செயல்பாடுகள், நெட்வொர்க், நவீனப் போர் முறைகள் குறித்து விவாதிக்கப்பட்டது.

இதில் ராணுவ ஜெனரல் சேத் கலந்து கொண்டு பேசுகையில்,

ராணுவத்தில் தற்போது நடைபெற்று வரும் மாற்றமானது நவீன உபகரணங்களை வாங்குவது, கட்டமைப்பை மேம்படுத்துவதுடன் மட்டும் நின்றுவிடக் கூடாது.

உண்மையான நவீனமயமாக்கல் என்பது புதுமைப் படைப்பு,தொழில்நுட்பத்தை ஏற்றுக்கொள்ளுதல்,சுறுசுறுப்பான சிந்தனை, முப்படைகளின் ஒருங்கிணைந்த செயல்பாடு, உள்நாட்டுத் தற்சார்பு, அக்னிவீரர்கள் முதல் முன்னாள் ராணுவத்தினர் வரையிலான மனித வளம் ஆகியவற்றை உள்ளடக்கியது. இதில் போர்வீரனே எப்போதும் முதன்மையாகவும் மையப்புள்ளியாக இருக்க வேண்டும் என்று அவர் வலியுறுத்தினார்.