மோகனுார்:மோகனுார் போலீஸ் எல்லைக்குட்பட்ட பகுதிகளில், தமிழக அரசால் தடை செய்யப்பட்ட புகையிலை பொருட்கள் விற்பனை செய்வதாக போலீசாருக்கு தகவல் கிடைத்தது.

இதையடுத்து, எஸ்.ஐ., சீனிவாசன் தலைமையிலான போலீசார், பல்வேறு இடங்களில் திடீர் சோதனை மேற்கொண்டனர். அப்போது, தோளுர் பஞ்.,க்குட்பட்ட, மேல் தோளுரை சேர்ந்த விவசாயி துரைராஜ், 57, என்பவரின் வீட்டில் சோதனையிட்டார். அங்கு தமிழக அரசால் தடை செய்யப்பட்ட, புகையிலை பொருட்களை பதுக்கி வைத்து விற்பனை செய்வது கண்டுபிடிக்கப்பட்டது. தொடர்ந்து, அவரை கைது செய்த போலீசார், 27 கிலோ புகையிலை பொருட்களை பறிமுதல் செய்தனர்.