சாலையோரம் மண் குவியல் நடவடிக்கை எடுக்க வலியுறுத்தல்

திருப்புவனம்: திருப்புவனத்தில் சாலையோர மண் குவியலால் தினசரி இருசக்கர வாகன ஓட்டிகள் பலரும் விபத்தில் சிக்கி காயமடைகின்றனர்.

திருப்புவனத்தைச் சுற்றிலும் ஏராளமான செங்கல் சூளைகள் செயல்பட்டு வருகின்றன. இது தவிர ஜல்லி, எம்சாண்ட், பி சாண்ட் விற்பனை செய்யும் தனியார் கடைகளும் உள்ளன. வாகனங்களில் இந்த பொருட்களை கொண்டு செல்லும் போது அதிலிருந்து மணல் துகள் பறந்து சாலையோரம் குவிந்துள்ளது. இவற்றை பேரூராட்சி மற்றும் நெடுஞ்சாலைத்துறையினர் அடிக்கடி அகற்றுவது வழக்கம்.

கடந்த ஒரு வருடத்திற்கும் மேலாக மண் குவியல் அகற்றப்படாததால் தினசரி சைக்கிள், டூவீலர்களில் செல்பவர்கள் தடுமாறி விழுந்து காயமடைகின்றனர். எனவே சாலையோர மண் குவியலை அகற்ற நடவடிக்கை எடுக்க வேண்டும்.

Advertisement