விவசாயிகள் துயர் துடைக்க உடனே நிவாரணம் அறிவியுங்கள்: உதயநிதி வலியுறுத்தல்

சென்னை: எதிர்க்கட்சி தலைவர் உதயநிதி வெளியிட்ட அறிக்கை: முதல்வரின் விளம்பர வெறியால் டெல்டாவில் கருகும் பயிர்கள். விவசாயிகள் துயர் துடைக்க உடனே வறட்சி நிவாரணம் அறிவிக்க வேண்டும். இந்த சோப்ளாங்கி ஆட்சியாளர்கள் ஜுன் 12ம் தேதி மேட்டூர் அணையை திறக்காமல் விட்டதால் குறுவை பொய்த்தது.

சம்பா சாகுபடிக்கு சரியான நேரத்தில் தண்ணீர் திறந்து விட வேண்டும் என்று விவசாயிகள், திமுக உள்ளிட்ட எதிர்க்கட்சிகளின் பேச்சை கேட்காமல், இந்த சிஎம், ரீல்ஸ் வெறியோடு முன்கூட்டியே செப்டம்பர் 1ம் தேதி தண்ணீர் திறந்துவிட்டார். இப்போது தண்ணீரின்றி டெல்டாவில் பயிர்கள் கருகுகின்றன.

இந்த நிலை ஏற்படக்கூடும்; முன்னெச்சரிக்கை நடவடிக்கை தேவை என்று கடந்த மாதமும், அதற்கு முன்பும் இரண்டு முறை இந்த சர்கஸ் அரசை எச்சரித்தோம். எதிர்க்கட்சிகளின் ஆலோசனைகளை ஏற்கவோ, காது கொடுத்து கேட்கவோ கூடாது எனும் இந்த கோமாளி ஆட்சியாளர்களின் வெட்டி ஈகோவால், விவசாயிகள் இன்று துயரில் நிற்கிறார்கள்.

முழுப்பயிர்க்கடன் தள்ளுபடி என்று சொல்லி விவசாயிகளை ஏமாற்றியது போல், இப்போதும் ஏமாற்றாமல், பயிர்ச்சேதம் தொடர்பாக வெளிப்படையான கள ஆய்வை இந்த அரசு உடனடியாக மேற்கொள்ள வேண்டும். விவசாயிகளின் கவலையில் கண்டன்ட் தேறுமா என்று பார்க்காமல், அவர்களின் கண்ணீர் துடைக்கும் வகையில் தாமதமின்றி வறட்சி நிவாரணம் வழங்க வேண்டும். இவ்வாறு உதயநிதி கூறியுள்ளார்.

Advertisement