நல்லம்பள்ளி: நல்லம்பள்ளி வாரச்சந்தையில், ஒரு கோடி ரூபாய்க்கு ஆடுகள் விற்பனை நடந்தது.

தர்மபுரி மாவட்டம், நல்லம்பள்ளியில் வாரந்தோறும், செவ்வாய்க் கிழமை வாரச்சந்தை நடப்பது வழக்கம். அதன்படி நேற்று அதிகாலை ஆட்டு சந்தை கூடியது. தர்மபுரி, கிருஷ்ணகிரி, நாமக்கல், ஆந்திரா உள்ளிட்ட பல்வேறு பகுதிகளை சேர்ந்த விவசாயிகள், வியாபாரிகள் மற்றும் பொதுமக்கள் ஆடுகளை விற்கவும், வாங்கவும் வந்திருந்தனர். மொத்தம், 700க்கும் மேற்பட்ட ஆடுகளை கொண்டு வந்திருந்தனர். இதில் ஆடுகளின் எடைக்கு ஏற்ப, 4,000 முதல், 25,000 ரூபாய் வரை விற்பனையானது. நேற்று, ஒரு கோடி ரூபாய்க்கு ஆடுகள் விற்பனையானதாக வியாபாரிகள் தெரிவித்தனர்.