அரவக்குறிச்சி: பள்ளப்பட்டியில், செல்வ மகள் சேமிப்பு திட்ட சிறப்பு முகாம் நடந்தது.

பள்ளப்பட்டியில், நகரம் மற்றும் பஜார் துணை அஞ்சலகங்கள் செயல்பட்டு வருகின்றன. செல்வமகள் சேமிப்பு திட்டத்தை ஊக்குவிக்கும் வகையில், சிறப்பு முகாம் தற்போது நடைபெற்று வருகிறது. இன்று வரை முகாம் நடைபெறுகிறது. முகாமில் கலந்து கொண்டு, 10 வயதுக்கு உட்பட்ட பெண் குழந்தைகளை, செல்வமகள் சேமிப்பு திட்டத்தில் இணைத்தால், அவர்களுக்கு 250 ரூபாய் முதல் தவணையாக அவர்களது கணக்கில் வரவு வைக்கப்படும் என, அஞ்சலகம் சார்பில் தெரிவிக்கப்பட்டுள்ளது. இந்த வாய்ப்பை, 10 வயதுக்கு உட்பட்ட பெண் குழந்தைகளின் பெற்றோர் பயன்படுத்தி கொள்ளலாம்.