கிருஷ்ணராயபுரம்: அழகாபுரி பகுதியில், பொது சுகாதாரத்துறை சார்பில் சிறப்பு மருத்துவ முகாம் நடந்தது.

கிருஷ்ணராயபுரம் அடுத்த, பழையஜெயங்கொண்டம் டவுன் பஞ்சாயத்துக்கு உட்பட்ட, அழகாபுரி கிராமத்தில் பொது சுகாதாரத்துறை சார்பில், சிறப்பு மருத்துவ முகாம் நடந்தது. முகாமில் காய்ச்சல், ரத்த அழுத்தம், சர்க்கரை நோய் மற்றும் பொது மருத்துவம் ஆகிய மருத்துவ ஆலோசனைகளை டாக்டர் பார்த்திபன் வழங்கினார். மக்களுக்கு மருந்து, மாத்திரைகள் இலவசமாக வழங்கப்பட்டது. மேலும் மழை காலங்களில், சுகாதாரமாக இருக்கும் வகையில் மருத்துவ ஆலோசனை வழங்கப்பட்டது.