மதுரை : தீபாவளியை முன்னிட்டு பயணிகள் வசதிக்காக கோவை -- திண்டுக்கல் இடையே 8 பெட்டிகள் கொண்ட முன்பதிவில்லா மெமு ரயில் நவ. 6 வரை இயக்கப்படுவதாக தெற்கு ரயில்வே ஏற்கனவே அறிவித்திருந்தது.


அதன்படி கோவையில் இருந்து ஞாயிறு தவிர்த்து காலை 9:35 மணிக்கு புறப்படும் இந்த ரயில் (06106) மதியம் 1:10 மணிக்கு திண்டுக்கல் செல்கிறது. மறுமார்க்கத்தில் மதியம் 2:00 மணிக்கு திண்டுக்கல்லில் இருந்து புறப்படும் ரயில் (06107) மாலை 5:50 மணிக்கு கோவை செல்கிறது.


இவ்விரு ரயில்களும் கிணத்துக்கடவு, பொள்ளாச்சி, உடுமலைப்பேட்டை, பழநி, ஒட்டன்சத்திரம் ஸ்டேஷன் களில் நின்று செல்கிறது. இந்நிலையில் இந்த ரயில் சேவை நவ. 30 வரை நீட்டிப்பு செய்யப்பட்டுள்ளது.