பள்ளிப்பாளையம்: பள்ளிப்பாளையம் அருகே, காவிரி சுற்று வட்டார பகுதியில் பல இடங்களில் இரவு, பகலாக சட்ட விரோதமாக மது பாட்டில் விற்பனை செய்யப்படுகிறது. மேலும், மொபைல் போனில் தொடர்பு கொண்டால், நேரடியாக இருப்பிடத்திற்கே வந்து மது பாட்டில் டெலிவரி செய்கின்றனர். அந்தளவுக்கு மது பாட்டில் விற்பனை காவிரி சுற்று வட்டார பகுதியில் அதிகரித்துள்ளது.


நேற்று மாலை, பள்ளிப்பாளையம் போலீசார் காவிரி பகுதியில் ஆய்வு செய்தனர். அப்போது, காவிரி பகுதியை சேர்ந்த வீரப்பன், 67, என்பவர் டூவீலரில் வந்தார். அவரை நிறுத்தி சோதனை செய்தபோது, 10 மது பாட்டில்கள் விற்பனை செய்வதற்கு வைத்திருந்தார். அவரை கைது செய்த போலீசார், மது பாட்டில்களை பறிமுதல் செய்தனர்.