புதுச்சேரி : பெரியகாலாப்பட்டு முருகன் கோவில் தெருவை சேர்ந்தவர் சீனுவாசன், 44; கூலி தொழிலாளி. இவரது மகள் ஜனனி, 19; மரக்காணம் தனியார் கல்லுாரியில் டிப்ளமோ நர்சிங் 2ம் ஆண்டு படித்து வருகிறார்.

இந்நிலையில், ஜனனி தனது உறவினருடன் ஈரோட்டில் உள்ள தனியார் மருத்துவமனையில் பயிற்சிக்கு செல்வதற்காக, தவளக்குப்பத்தில் உள்ள தனது உறவினர் வீட்டிற்கு நேற்று முன்தினம் (4ம் தேதி) காலாப்பட்டில் இருந்து தனியார் பஸ்சில் சென்றுள்ளார். ஆனால், இதுவரையில் உறவினர் வீட்டிற்கு செல்லவில்லை.

இதையடுத்து, உறவினர்கள் மற்றும் தோழிகளிடம் விசாரித்தும் எந்தவித தகவலும் கிடைக்கவில்லை.

இதுகுறித்த புகாரின் பேரில், காலாப்பட்டு போலீசார் வழக்குப் பதிந்து விசாரணை நடத்தி வருகின்றனர்.