பெத்தநாயக்கன்பாளையம்: சேலம் மாவட்டம் பெத்தநாயக்கன்பாளையம், மேட்டுடையார்பாளையத்தை சேர்ந்த கொத்தனார் பொன்னுவேல், 43. இவரது மனைவி வசந்தி, 40. இவர்களது மகன் கவின், 21, மற்றொரு மகன், 17 வயது சிறுவன்.


கூலி வேலைக்கு சென்ற வசந்தி, அவருடன் பணிபுரியும் ஒருவருடன் மொபைல் போனில் பேசி வந்தார். இதனால் அவரது நடத்தையில் சந்தேகம் ஏற்பட்டு, நேற்று முன்தினம் அவரது மகன்கள், கணவர் சேர்ந்து, வசந்தியிடம் கேட்டு வாக்குவாதம் செய்தனர்.

அப்போது ஆத்திரமடைந்த இரு மகன்களும், வசந்தியை தாக்கினர். வசந்தி உயிரிழந்தார். ஏத்தாப்பூர் போலீசார் விசாரித்து, அவரது இரு மகன்களையும் கைது செய்தனர். விசாரணையில், கணவரும் தாக்கியது தெரிந்தது. இதனால் நேற்று, பொன்னுவேலையும், போலீசார் கைது செய்தனர்.