ஓமலுார்: அலையன்ஸ் ஏர் விமான நிறுவனம், குளிர் கால(வின்டர் சீசன்) திட்டத்தில், சேலம் விமான நிலையத்தில் இருந்து, செவ்வாய், சனி தவிர்த்து, கொச்சின் - சேலம் - பெங்களூரு, மீண்டும் அதே தடத்தில் கொச்சினுக்கு பயணியர் சேவையை இயக்கி வருகிறது.


இந்நிலையில் வரும், 30 முதல், கோடை கால(சம்மர் சீசன்) திட்ட பயணப்படி, வாரத்தில், 7 நாட்களும் விமான சேவை இயக்கப்படும். அன்று முதல், மதியம், 12:10க்கு புறப்படும் விமானம், 1:20க்கு சேலம் வந்தடையும். இங்கிருந்து, 1:45க்கு புறப்பட்டு, 2:45க்கு பெங்களூருவை அடையும். அங்கிருந்து, 3:20க்கு புறப்பட்டு, 4:20க்கு சேலம் வரும். மீண்டும் இங்கிருந்து, 4:45க்கு புறப்பட்டு, 5:50க்கு கொச்சினை அடையும் என, விமான நிறுவன வலைதளத்தில் தெரிவிக்கப்பட்டுள்ளது.