புதுடில்லி: நடப்பு மாதத்தின் முதல் வாரத்தில், அன்னிய பங்கு முதலீட்டாளர்கள் 24,753 கோடி ரூபாய் மதிப்பிலான பங்குகளை விற்று தங்கள் முதலீட்டை திரும்ப பெற்றுள்ளதாக தரவுகள் தெரிவிக்கின்றன.

அதிகரித்து வரும் உலகளாவிய வர்த்தக பதற்றங்கள் மற்றும் மந்தமான நிறுவன வருவாய்க்கு மத்தியில், இம்மாதத்தின் முதல் வாரத்தில் இந்திய பங்குகளில் முதலீடு செய்திருந்த அன்னிய முதலீட்டாளர்கள், 24,753 கோடி ரூபாய் முதலீட்டை திரும்ப பெற்றுள்ளதாக தரவுகள் தெரிவிக்கின்றன.

கடந்த பிப்ரவரியில், 34,574 கோடி ரூபாயும், ஜனவரியில் 78,027 கோடி ரூபாயும் திரும்ப பெற்றிருந்த நிலையில், தொடர்ந்து 13வது வாரமாக தற்போது இந்த வெளியேற்றம் நிகழ்ந்துள்ளது. இதையடுத்து, நடப்பு 2025ம் ஆண்டில் இதுவரை அன்னிய முதலீட்டாளர்கள் திரும்ப பெற்ற தொகை, 1.37 லட்சம் கோடி ரூபாயை எட்டியுள்ளது.