நெய்வேலி என்.எல்.சி.,க்கு வெடிகுண்டு மிரட்டல்

நெய்வேலி: என்.எல்.சி., நிறுவனத்திற்கு இ-மெயிலில் வெடிகுண்டு மிரட்டல் வந்ததால் பரபரப்பு ஏற்பட்டது.
கடலுார் மாவட்டம், நெய்வேலியில் என்.எல்.சி., அலுவலகங்களில் ஆர்.டி.எக்ஸ்., நிரப்பப்பட்ட மொபைல் குண்டுகளால் மிகப்பெரிய தாக்குதல் நடக்க போவதாக, இ-மெயிலில் மிரட்டல் வந்தது.
நேற்று முன்தினம் இரவு 7:24 மணிக்கு என்.எல்.சி., உயர் அதிகாரிகளுக்கு வந்த மிரட்டல் குறித்து என்.எல்.சி., பாதுகாப்பு படையினர் நெய்வேலி டி.எஸ்.பி.,யிடம் புகார் தெரிவித்தனர்.
இதையடுத்து, நெய்வேலி டி.எஸ்.பி., ராதாகிருஷ்ணன் தலைமையில் இன்ஸ்பெக்டர்கள் சுதாகர், செந்தில்குமார் மற்றும் போலீசார், மோப்ப நாய் உதவியுடன் என்.எல்.சி., மத்திய தொழிலக பாதுகாப்பு படையினர் அங்குள்ள தலைமை அலுவலகம், நகர நிர்வாக அலுவலகம், சுரங்க நிர்வாக அலுவலகங்களில் சோதனை நடத்தினர்.
நெய்வேலியில் பொருத்தப்பட்டுள்ள 'சிசிடிவி' கேமராக்களின் கட்டுப்பாட்டு அறையிலும் சோதனை நடத்தினர். அதில், வெடி குண்டுகள் எதுவும் சிக்காததால் மிரட்டல் புரளி என தெரிய வந்தது. இச்சம்பவத்தால் நெய்வேலியில் பரபரப்பு ஏற்பட்டது.
சில தினங்களுக்கு முன், என்.எல்.சி., மருத்துவமனைக்கு வெடிகுண்டு புரளி வந்தது.
இதுபோன்ற தொடர் வெடிகுண்டு மிரட்டலால் என்.எல்.சி., தொழிலாளர்கள் மற்றும் அதிகாரிகள், பொதுமக்களிடையே அச்சத்தை ஏற்படுத்தியுள்ளது.
மேலும்
-
சென்னையில் நாய் கடித்ததில் வடமாநில தொழிலாளி பலி!
-
கோடை உழவு செய்ய ஹெக்டேருக்கு ரூ.2 ஆயிரம் மானியம்; வேளாண் பட்ஜெட்டில் அறிவிப்பு
-
காரைக்குடியில் பழிக்குப்பழி கொலை செய்ய சதி; ஆயுதங்களுடன் சிக்கிய 4 பேர்
-
தங்கம் விலை பவுனுக்கு ரூ.640 சரிவு
-
5 ஆண்டுகளில் 100 புலிகளை கொன்ற பவேரியா கொள்ளை கும்பல்; விசாரணையில் பகீர்
-
பாக்., காஷ்மீர் நிலைப்பாட்டை ஏற்க முடியாது; ஐ.நா.,வில் இந்தியா திட்டவட்டம்