உத்திரமேரூர்:தமிழகத்திற்கு, மஹாத்மா காந்தி தேசிய ஊரக வேலை உறுதி திட்டத்தில் தர வேண்டிய, 4,034 கோடி ரூபாய் நிதியை வழங்காத மத்திய அரசை கண்டித்து, உத்திரமேரூர் ஒன்றியம், சாலவாக்கத்தில், தி.மு.க., சார்பில் கண்டன ஆர்ப்பாட்டம் நேற்று நடந்தது.

ஒன்றிய தி.மு.க., செயலர் குமார் தலைமை தாங்கினார். உத்திரமேரூர் தி.மு.க., -- எம்.எல்.ஏ., சுந்தர் பங்கேற்று, கண்டன உரையாற்றினார்.

அப்போது, 400க்கும் மேற்பட்ட நுாள் நாள் வேலை செய்யும் தொழிலாளர்களை திரட்டி, நிதி வழங்காத மத்திய அரசை கண்டித்து கோஷங்கள் எழுப்பப்பட்டன.

இதேபோல, படூர் கூட்டுசாலை, எஸ்.மாம்பாக்கம் கூட்டுசாலை, உத்திரமேரூர், தண்டரை, ஆதவப்பாக்கம் உள்ளிட்ட 20க்கும் மேற்பட்ட இடங்களில் கண்டன ஆர்ப்பாட்டம் நடந்தது.