பல்லடம் -பொள்ளாச்சி நெடுஞ்சாலையில், காமநாயக்கன்பாளையம்,- சுல்தான்பேட்டை வரை சமீபத்தில் நான்கு வழிச்சாலையாக விரிவாக்கம் செய்யப்பட்டது. புதுப்பிக்கப்பட்ட இந்த ரோட்டில், 2 கி.மீ., துாரம், 12 வேகத்தடைகளும், இதேபோல், எதிர் திசையில், 11 வேகத்தடைகளும் அமைக்கப்பட்டுள்ளன. வேகத்தடைகள் மிகுந்த தடிமனாக உள்ளது.

சுல்தான்பேட்டை வட்டார பொதுமக்கள் நெடுஞ்சாலைத்துறைக்கு அனுப்பிய மனு:

வழக்கமாக அமைக்கப்படும் வேகத்தடைதான் என்று நினைத்து, அதே வேகத்தில் ரோட்டை கடக்கும் போது, வாகன வீல்களில் உள்ள போல்டு - நட்டுகள் கழன்று, கண்ணாடிகள் உடையக்கூடிய சூழல் ஏற்படுகிறது. கனரக வாகனங்களில் 'லீப் கட்' உடைகிறது.

ஆம்புலன்ஸ்கள் கூட வேகத்தடையால் தடுமாறுகின்றன. நெடுஞ்சாலைகளில், வேகத்தடைகள் அமைக்க கட்டுப்பாடு உள்ள நிலையில், எதற்காக வெறும், 2 கி.மீ., துாரத்துக்கு இவ்வளவு வேகத்தடைகள்? இவற்றை அகற்ற வேண்டும்.