இளம் பெண்கள் மாயம் போலீசார் விசாரணை

அரியாங்குப்பம் : இரு வேறு இடங்களில் காணாமல் போன, இளம்பெண்களை போலீசார் தேடி வருகின்றனர்.

அரியாங்குப்பம், மணவெளியை சேர்ந்தவர் வரதராஜன் மகள் சங்கவி, 21. இவர் நேற்று முன்தினம் வீட்டில் இருந்து வெளியே சென்றார். வெகு நேரமாகியும் அவர் வீட்டுக்கு வராததால், சந்தேகமடைந்த பெற்றோர் பல இடங்களில் தேடியும் கிடைக்கவில்லை. இதுகுறித்து, அவரது தாய் கொடுத்த புகாரின் பேரில், அரியாங்குப்பம் போலீசார் வழக்குப் பதிந்து, விசாரித்து வருகின்றனர்.

அதே போல், சேதராப்பட்டு பகுதியை சேர்ந்தவர் கணேசமூர்த்தி மகள் கிருத்திகா, 22. இவரை நேற்று முன்தினம் முதல் காணவில்லை.

புகாரின் பேரில், சேதராப்பட்டு போலீசார் வழக்கு பதிந்து, அவரை தேடி வருகின்றனர்.

Advertisement